يوميات أحمــد ونور (قصـه حب صعيدى وبنت ستايل)الحلقة الحادية والعشرين & الثانية والعشرين & الثالثة والعشرين

ههههههههههه جميلة اوى القصة دى ويا ريت تكملى القصة وشكرا

شكرااااااااااااا جدا على القصه الحلوه دى

القصة دى جميلة اوى ويا ريت تكمليها عشان انا عايز اعرف ايه اللى هيحصل

--------------------------------------------------------------------------------


الحلقه الخامسه عشر

احنا سيبنا نور بتغرق والحلقه خلصت مش مشكله نكمل

نور: اااااااااااااااااااااااحمد الحقني يا احمدالحقني بغرق

احمد فاكر نور بتردله المقلب اللي عمله فيها و منفضلها

احمد : بطلي شغل عيال يا نور انا فاهم الحركات دي
احمد اعد يضحك بارد اوي احمد ده هو مش بارد هو عامل نفسه ناصح

نور : الحقوني الحقوني بغرق

نور بتغرق بجد وعماله يا عيني تطلع وتنزل وتشرب في ميه واتخنقت

احمد : نوووووووووووور


احمد عام باقصي سرعه ونور اغمى عليها واحمد زعلان اوي راح شايلها وطالع بيها علي الشط

احمد : نور نور اوعي تسبيني
واحمد بيخبط علي صدرها عشان الميه تطلع مافيش فايده
احمد جاب الاسعاف وراح بيها علي المستشفي

الاسعاف جت خدت نور علي المستشفي وهناك عملولها اللازم طلعوا الميه ورجعولها التنفس وبقت تمام بس لازم تفضل يومين كده
احمد يا عيني في المستشفي بهدوم البحر ودموعه في عينه وبيدعي لنووووور

احمد : دكتور خير

الدكتور : خير ياابني اتطمن الحمد لله هي بخير

احمد : الف شكر يا دكتور الف شكر ممكن ادخلها

الدكتور : ممكن

احمد والدموع تتلالا في عينه داخل علي نور وبكل رومانسيه

احمد : حمدالله علي السلامه يا نور وبيديها ورده

نور : ميرسي يا احمد

احمد : انتي بعد الشر لو كان جرالك حاجه انا كنت هرمي نفسي في البحر

نور : متقولش كده انتا برده اللي انقذت حياتي

احمد : انتي اللي رديتيلي حياتي والله يا نور بعد ما الدكتور طمني

نور : ميرسي يا احمد

احمد : شدي حيلك بقي كده وقوميلنا بالسلامه

نور : ان شاء الله يا احمد روح انت استريح انت شكلك تعبان

احمد : اسيبك وامشي مش هقدر وبعدين انا زي الفل اهه

صحاب نور عرفه اللي حصل جم بسرعه يطمنواعليها

ريم : نور حبيبتي الف سلامه انا ماصدقتش والله اولما قالولي انتي كويسه

نور : انا الحمد لله كويسه

ريم : الحمد لله

ريم : انا متشكره جدا يا احمد عشان انقذت صحبتي

احمد : علي ايه يا ريم ماهيصاحبتنا كلنا بردك

ريم : عندك حق يا احمد ميرسي اوي

نور اعدت يومين في المستشفي وبعدين طلعت كان فاضل يوم واحد بس ويرجعوا
احمد وريم وصلوا نور للاوده بتاعتها ونامت وتاني يوم الصبح

احمد : حمدالله علي السلامه يا نور

نور : الله يسلمك يا احمد والله انا مش عارفه ارد جميلك ده ازاي

احمد : جميل ايه بس هو في بينا جمايل بس علي فكره يا نور لو كان حصلك بعد الشر اي حاجه انا ماكنتش هسامح نفسي خالص

نور : متقولش كده يا احمد انت بردو الي انقذت حياتي

في منظر رومانسي تحت السماء صافيه والبحر الازرق والموسيقي في الفندق شغاله

احمد : بس يا نور تعرفي وانتي نايمه بتكوني جميله اوي

نور (وشها احمر وضرب الوان ومش عارفه تقول ايه ) : ميرسي يا احمد انت الاجمل ولله

احمد قرب من نور وبص في عنيها
يا سلاااااااااااااااااام شفتو الرومانسيه هنشوف بقى اللي هيحصل الحلقه الجايه

--------------------------------------------------------------------------------


الحلقه السادسه عشر
(احمد قرب من نور وبص في عنيها) دا كان اخر الحلقه اللي فاتت النهارده حلقه رومانسيه طحن
بردو في نفس المنظر الرومانسي البحر والاغاني الرومانسيه والطبيعه الساحره
احمد بيبص لنور في عنيها وقرب منها
ايه دا دا قرب يالهوي دا قرب خالص يااااااااااااااااااااااااااااااااااااااااااالهوي احمد مسك ايد نور
احمد : يا نور اما مش عارف لو كان جرالك حاجه انا كان ممكن يحصلي ايه
نووور : ليه يا احمد بعد الشر عليك
احمد : بجد والله اصلك يا نور بقيتي كل حاجه في حياتي ومن غيرك ماكنتش عارف هعمل ايه في حياتي غيرتي كلي شىء في حياتي
نور : عشان انت طيب والله بجد يا ميدو وبتحب بسرعه
احمد : ميدو تصدقي احلي كلمه ميدو سمعتها في حياتي
نور : خلاص يا سيدي ليك عليا مش اقولك غير يا ميدو
احمد : مرسي يا نور بس تصدقي يا نور بجد انا حلمت بيكي امبارح
نور: بجد يا احمد احكي بسرعه حلمت بايه
احمد : خير الله ما اجعله خير اننا ركبين طياره ومسافرين بيها مش مش عارف مسافرين فين المهم الطياره كانت بتقع
نور: يا لهوي هتموتني في الحلم يا احمد
احمد: بعد الشر عليكي
المهم اتخضيت عيلكي رحت حضنك ما بين اديا ورحت بيكي كبينه الطياره انا اللي سوقتها ووصلنا الحمد لله
نور : طيب الحمد لله
احمد : بس ايه كنتي لبسه حته فستان ابيض جميل
نور : بجد يا احمد
( احمد شاف ريم جايه من بعيد زعل اوي )
ريم : ازيكوا يا حلوين عامله ايه يا نور دلوقتي
نور : الحمد لله كويسه ميدو خرجني من الاوده وبنتمشي شويه
ريم : مين ميدو ده
احمد : انا يا ريم ميدو اصلي غيرت اسمي
ريم : بجد الف مبروك عبالي ما غيره
احمد : وهتغيري هيكون ايه (علق ) هههههههههه
نور : يخربيت عقلك يا ميدو صحيح يا ريم هتغيري ليه
احمد : دا حتى الاسم دا جميل جاي من الميه ريم دا طفيلي اصلا
ريم : انا طفليه بردو يا احمد ماشي انا ماشيه وسيباكوا لوحديكوا
نور: ياريم بنهزر معاكي والله خلاص مش تزعلي
احمد: بنهزر والله يا ريم خلاص اؤمري اي طلب واحنا ننفذه عشان نصلحك بيه
الحلقه الجايه هنعرف ريم طلبت ايه سلااااااااااااااااااااااااااام

--------------------------------------------------------------------------------


الحلقه السابعه عشر




احمد ونور بيهزروا مع ريم بس ريم زعلت فاحمد ونور حبوا يصلحوها فريم طلبت طلب

؟؟؟؟؟؟؟؟؟؟؟؟




احمد : اؤمري يا ست ريم طلباتك اوامر






ريم : ميرسي يا احمد انا هطلب منكوا طلب بصفتي جعانه دلوقتي عايزه اتغدي




احمد : بس كده ..... يا لهوي انا جولت هتجولي حاجه جامده خدي يا ستي 5 جنيه اهه جديده واتغدي برحتك من اي واحد بتاع فول وطعميه جبيلك 16 سندوشت




نور : ههههههههههههههههههههه يخرب عقلك يا ميدو عسل




ريم : بتدحكي عليا يا نور ماشي ماكنش العشم




نور : الحق يا احمد دي زعلت والله يا ريم بنهزر معاكي




احمد: بجد بهزر معاكي يا ريم انت بتزعلي بسرعه كده ليه .... خلاص يا ستي اختاري اي مكان نتغدي فيه وعلي حسابي كمان




ريم : ميرسي يا احمد انا نفسي في سمك اوي




احمد : بس كده يا سلام تؤمري يلا بينا هغديكوا غدوه تحلفوا بيها استنوني هنا ثواني




ريم : انت رايح فين يا احمد




احمد : ثواني اجيب حاجه واجي ثواني بصوا شايفين الصخره اللي هناك دي روحوا اجعدوا عليها وانا جايلكوا



(احمد ساب نور وريم على صخره على البحر وطلع الاوده بتاعته جاب سناره صيد كان جايبها معاه كان بيصطاد بيه امن الترعه اللي كانت عندهم

مش مشكله ... احمد نزل بالسناره وتلاجه صغيره كده عشان يحط فيها السمك :::: نور وريم شافوا احمد جاي من بعيد)






نور : ايه دا يا احمد انت هتعمل ايه




احمد : زي ما انتي شايفه هصطاد سمك ونشوي هنا هيبقي يوم واخر يوم لازم يبقي جااااااااامد مش احنا بردك ماشين بكره بليل




ريم : اه صحيح فكرتني يا خساره كانت رحله جميله بس دا شكله هيبقي اجمد يوم




نور : عندك حق ياريم انا بحب الصيد اوي




احمد: جشطة كدة ....هيبقي يوم جامد



(سيبوا احمد ونور يصطادوا وتعالوا نشوف الحوار ده)




ابو احمد : الواد يا حجه ولا بيسال فينا هو يكون جراله حاجه






ام احمد : انا عارفه الواد زي ما يكون في حاجه شغلته عنا جامد ونسي نافسه يا خويا




ابو احمد : احنا لازم نتصل بيه




ام احمد : بس هنتصل بيه ازاي بس




ابو احمد : هو مش سايب معاكي رقم الشجه اللي ساكن جصادها




ام احمد : اه صحيح دا سايبها معايا استني اخش اجيبها




ابواحمد : هاتي اما نتصل بيه نشوفه فين ونطمن عليه




والحاج اتصل ودار اجمد حوار في المسلسل عايزين تعرفوه







الحلقه الجايه

ايون انا عايزة اعرف الحواااار بسرعة بس بجد ميرسى ع الحلقة الجميلة الرومانسية دى

ميرسى ياجماعه على الردود

لا ميرسى ع واجب يا روحى

ايه الكلام الجميل ده

الحاج ابو احمد والحاجه جابوا الرقم واتصلوا بالوليه اشطه اشطه تعالوا نشوف ايه الحوار اللي تم

الحاج : شجه الست عطيات؟

متخدوش في بالكوا ....عطيات دي الوليه الي ساكنه في الشقه الي ادام احمد

عطيات : ايوه يا اخويا عايزمين؟

الحاج : كنا عايزين نكلم احمد هو هنا

عطيات : يالهوي هنا فين يا حاج مش عيب دا انا ست لوحدي واخاف علي سمعتي

الحاج : يا ست الشريفه مش جصدي انا جصدي تندهيه من شجته هو مش ساكن هنا بردك

عطيات : ايوه يا خوياساكن هنا بس هو مش هنا الندل ده ....وانت مين يا اخويا

الحاج : انا ابوه هو مش هنا ليه

عطيات : ابوه يا اهلا يا اهلا العمده يامراحب يا حاج

الحاج : اهلا بيكي يا ست هو مش موجود

عطيات : لا يا اخويا دا مسافر شرم الشيخ ولسه ما جاش

الحاج : يالهوي كفر الشيخ يعمل ايه هناك؟

عطيات : يا حاج شرم شرم الشيخ بتاعت الاجانب والسياح ده مصيف يعني

الحاج : زي جمصه كده

عطيات : ايوه زي جمصه كده بس شرم دي بتاعت الناس الهاي اوي والاجانب

الحاج : ايوه ايوه يا عيب الشوم بتاعت البنات المش لابسين هدوم

عطيات : ايوه يا حاج شوفت وواخد معاه واحده صاحبته هي اللي هتبوظه يا حاج

عطيات مفروسه من نور عشان احمد مهتم بيها ومنفضلها

الحاج : واحده

عطيات : اه يا خويا رايح مع واحده زميلته في الجامعه هتبوظه

الحاج : متشكرين يا ست عطيات و لما يجي ابجي شيعلنا تليفون عشان اجيله

عطيات : حاضر يا خويا

الحاج ابو احمد بيضرب كف علي كفوبيكلم نفسه بقى كدة يا واد يا أحمد تروح شرم الشيخ لوحدك وناسي أبوك .... وعطيات ضربت مهموز في احمد جامد اوي

سيبك بقي من الحاج وعطيات وتعالوا نشوف احمد ونور وريم عملو ايه مع الصيد

نور : ههههه واحده كمان اهه يا احمد شدالسناره بقى

احمد : شكلكوا مرزقين يا بنات انا عمري ما صدت سمك بالكميه ديماشاء الله

نور : كفايه كده يا احمد وتعالوا نشويهم بقي

احمد : استني كمان شويه اخر واحده عشان كل واحد ياخد خمسه عشان ريم دي شكلها جعانه وممكن تاكلنا

ريم : اه والله يا احمد انا جعانه مووت اهه يا احمد جيبها بقي

احمد : حاضر ههههههههههههههههههه بصي يا نور نصيب ريم طلع ايه

نور : هههههههههههههههه انتي هتكلي دي ههههههههههههههههه


عايزين تعرفواريم طلعلها ايه ؟

الحلقةاللى جاية بقى

الحلقه التاسعه عشر

كنا سايببن احمد ونور وريم بيصطادوا في اخر سمكه وفي حاجه حصلت ايه هيا ؟؟؟؟؟؟؟؟؟؟؟؟؟؟؟ ؟؟

احمد : شكلكوا مرزقين يا بنات انا عمري ما صدت سمك بالكميه دي ماشاء الله

نور : كفايه كده يا احمد وتعالوا نشويهم بقي

احمد : استني كمان شويه اخر واحده عشان كل واحد ياخد خمسه عشان ريم دي شكلها جعانه وممكن تاكولنا

ريم : اه والله يا احمد انا جعانه مووت اهه يا احمد جيبهابقي
احمد : حاضر هههههههههههههههههههههههههه بصي يا نور نصيب ريم طلع ايه

نور : ههههههههههههههه ههههههههههههههه ههههههههههههههه ههه انتي هتكلي دي ههههههههههههههه هههههه

ريم: كدا بردك يا نور ترضي ان أنا اكل الشىء ده

أصل أحمد أصطاد سمكة ضغنوووووووووووووونة خااااااااااااااااالص

احمد : يلا يا ريم وأنتى يا نور حضروا الشوايه عشان نشوي السمك عشان انا جعان موووووووووووووت

ريم : اه بسرعه يا نور عشان انا ممكن اكل احمد دلوقتي

نور: يا نهار تاكلي احمد لا انا حلصت اهه

احمد ونور وريم كلوا بالهناوالشفا واعده شوو قدام البحر طبعا احمد مش عارف يكلم نور من الست ريم بس انا عاذراهاوالله اصلها مالهاش صاحبه غير نور
فتعمل ايه يعني بتقضي معاهم شويه وتقعد لوحدها شويه بس علي فكره بيني وبينكوا انا ابتديت احب ريم اصلهاطيبه اوي ووحيده المهم

احمد : انا طالع بجي احضر شنطتي عشان بكره اكون فاضي
نور : اه صحيح دة أحنا هنرجع بكره ياخبر يلا يا ريم نطلع نحضر الشنط عشان بكره نخرج قبل ما نمشي

ريم : اوك يلا بينا
احمد : انا عندي فكره وانتي يانور بتحضري الشنط حطي ريم جوه عشان متجعدش علي سلم الاتوبيس زي ما عملتها وأحناجايين

نور : هههههههههه عندك حق يا احمد والله

ريم : عندوا حق دا بدل ما تقوملي وتخليني اقعد مكانك مش انت ولد تتحمل

نور: لا في دي يا احمد عندها حق

احمد : يانهار انتي بس تؤمري ياريم دانا ممكن اخلي الاتوبيس كله يجري وراه وانتي بس راكبه جوه وتعدي علي كل ا لكراسي

ريم: اتريق اتريق

احمد : خلاص انا غلطان وهسيبك في الشنطه ههههههههههههههههه

نور : خلاص يا احمد دي مهما كان بردك صحبتي الانتيخ
احمد : خلاص يا نور عشان خاطرك انتي

ريم: مرسي يا احمد

احمد ونور وريم طلعوا يحضرو االشنط ونازلو بليل خالص نزلوا اتعشوا وخرجواشويه وبردك ريم معاهم مش عارفين يتكلموا
احمد بوظ الاعده علي ريم ومشاها بذكاء
هنعرف المره الجايه عمل ايه عشان احمد لسه مقليش

الحلقه العشرين


احمد ونور وريم طلعوا يحضروا الشنط عشان يا خساره اخر يوم وبكره ماشين يا خساره .... بليل بقي وهما جاعدين مع بعض اللي حصل حصل


احمد : ياااااااااااااااااااه اخر يوم هنجعد في الدو ( الجو يعنى ) الجميل ده وجدام البحر الهادي الجميل

نور : عندك حق والله يا احمد كان اجمل اسبوع في حياتي وعمري ما هنساه

احمد : دا انا اللي عمري ماهنسى الاسبوع ده .....هيبجي ذكري جميله في حياتي

ريم : دا كان اجمل اسبوع ليا كمان وكمان اجمل سمك اكلته في حياتي

احمد : عايزين يا ولاد نرجع الايام دي تاني يعني كل اجازه نزور المكان الجميل دة او نغيره

نور : عندك حق والله يا احمد ايام الجامعه ما تتعوضش

احمد : اجمل ايام لو معاك صحاب كويسين زيكوا كده تبجي صحيه لذيذه

ريم : وياسلام لو ليك صاحبه زي نووووووور كده


بيني وبينكوا بس اوعي حد يقول لحد احمد اتخنق من ريم وعايز يكلم نور لوحدها مش عارف يعمل ايه ولا انا كمان عارف احمد هيعمل ايييييييييييييه؟ اقولكوا
سبوها لظروفها الكلام بيجيب بعض

احمد : شوفتي يا نور ال3 اللي اعدين هناك دول

ريم : اه مالهم يا احمد

احمد : يالهوي انتي اسمك نور انا بكلم نور

نور : ايوه يا احمد شيفاهم بس مالهم اعدين كدا ليه

احمد : في صاحبتهم اعده معاهم مغلسه عليهم مش كده

ريم : عندك حق يا احمد غلسه جامد

احمد يا عيني هيشد في شعره وبيقلها ما تفهمي بقي

ريم :في حاجه يا احمد

احمد : لا ما فيش بس انا مضايق اوي من اللي اعد معاهم دي ومش راضيه تقوم
انا عندي فكره يا ريم ما تروحي تخديها وتكلميها وتسيبي الاتنين يكلموا بعض

[,ريم : لا يا عم دي رخمه اوي

احمد : يابنتي انتي هتعملي عمل انساني للبشريه

نور : اه صحيح يا ريم قومي كلميها لغايه ما الاتنين يكلموا بعض

ريم : انتوا اللي شكلووا عايزين تكلموا بعض مش تقولوا من الاول اني تقيله عليكوا

بيني وبينكوا ريم صعبت عليا طب هتروح تقعد مع مين دلوقتي لوحديها
احمد ونور بقوا لوحديهم وادين يكلموا بعض

احمد : شكل ريم زعلت منا

نور : اه فعلا احنا وحشين اوي

احمد : تعالي نروح نصالحها

احمد ونور راحوا دوروا علي ريم لاقوها فين

هههههههههههههههه الله حلقة جميلة اوى

فعلا جميلة

الحلقه الحادية والعشرين

احمد ونور زعلوا ريم .... وريم حساسه شويتين فزعلت منهم ومشيت فاحمد ونور حسوا بغلطهم فراحو يدروا على ريم عشان يصلحوها فلقوها فين
نور : ريم مش باينه خالص يا احمد انا قلقانة عليها اوي

احمد : عندك حق هتروح فين دي بس دلوقتي والوجت متاخر اوووووى كده

نور : تعالي ندور عليها عند البحر كده انا عارفه لما بتزعل بتحب البحراوي عشان تنسي

احمد : هي بدل ما تشرب مسكرات بتشرب مايه مالحه عشان تنسي

نور : ههههههه يخرب عقلك يا احمد دا وقتواتعال بس

احمد : يلا

احمد ونور بيدوروا علي ريم فاخيرا لقوها جاعده لوحديها وبتكلم البحر ودموعها بدوب في المياة

احمد : اهه يا نور ريم هناك اهه قاعدةهناك اهه

نور : الحمد لله تعالي بقي نروحلها

احمد : طب امشي براحه عشان نخضها براحه

نور : يلا بس سيبني انا اخضهااوك
احمد ونور ماشين براحه لغايه ما وصلوا لريم لاقوها بتكلم نفسيها وبتعيط حساسه اوووى ريم دى ....
المهم

نور : بخ ازيك يا ريم

ريم : اااااااااااااااااااااااااااااا ااااااااا يا رخمه يا نور ربنا يسامحك

احمد : ههههههههههههههه ههههههههه اتخضيتي

ريم : اضحك اضحك ربنا يسامحكوا وبعدين انتوا بتعملوا ايه هنا اسيبلكواالمكان دة كمان

نور : لا احنا جاين نقعدمعاكي

ريم : اه خلصتوا كلام يعني وفضيتولى

نور : لا والله احنا متكلمناش اصلا احنا قاعدين ندور عليكي

ريم : طيب

احمد : يلا بقى ... انا طالع انام عشان هنصحي بكره بدري

ريم : عندك حق يلا
احمد ونور وريم طلعوا يناموا عشان هيسافروا بكره وهما طالعين الأود لاقوا مين هنعرف حالا بالا
ههههههه
جصدى الحلجة الجاية

الحلقه الثانيةوالعشرين


احمد ونور وريم طالعين لقوا مين .... لقوا المشرف بتاع الرحله بس كان واد خنيق موت المهم دانهم يكلموا سوا


المشرف : ما لسه بدري والله

احمد : بدري من عمرك

المشرف : لا والله طيب لو عايزين تتاخروا كمان شويه يعني اتفضلوا

احمد : لااحنا قولنا نيجي بدري عشان نجهز حاجتنا

المشرف : قولي صحيح اصلي نسيت الساعه ... الساعه كام دلوقتي؟؟

احمد : برحتك شوف انت عايزها كام وانا هقولك

المشرف: انا عايزها الساعه 12 مش دا بردك معاد التجمع في الفندق

احمد : ولاتزعل نفسك اهه
احمد لعب في الساعه خلاها 12 ونور وريم فطسانين من الضحك من الموقف

احمد:اي خدمه احنا جاين في الميعاد مظبوط الساعه 12 بالظبط اهه

المشرف: لا ياخفيف بس هو الفجر بيادن الساعه 12

احمد : اه صحيح ايه ده تصدق الساعه بتعتي واقفه علي الساعه 12 ياخبر
هي الساعه كام بقي دلوقتي عشان اظبط الساعه

المشرف : الساعه دلوقتي 4

احمد : يا نهار ابيض 4 يا خبر يعني فاضل 4 ساعات ولاتوبيس يطلع يا خبر

المشرف : اه تصور

احمد : اغنيه حلوه تصور دي

المشرف : اغنيه ايه

احمد : مش بتغني تصور لاصاله

نور وريم هيموتوا من الضحك من المشرف واحمد

نور : خلاص يا احمد يلا نطلع ننام بقي عشان نلحق الاتوبيس

احمد : يلا ما تيجي معانا ولا انت خارج

المشرف : لا انا اعدشويه

احمد : بس اوعى تنام ويفوتك الاتوبيس الساعه 8 الاتوبيس هيمشي

المشرف : هههههه لا ماتخفش اوعي تنام انت

المهم المشرف فضل قاعد لغاية الساعه سابعةودماغه فصلت منه ونام علي نفسه والاتوبيس التجمع الساعه 7.30
احمد صحي ونزل مالقاش ولا نور ولا ريم ولا المشرف بتاع اصاله راح طالع يصحي نور وريم

احمد : تك تك تك تك تك تك تك تك تك تك .....
لا احمد مش بيكلم حد دا بخبط علي نور وريم

نور : ايوه مين

احمد : انا .....اصحوا بسرعهالساعه 7.30 انجزوا الاتوبيس هيمشي
نور : يانهار يا ريم..... رييييييييييييييييم اصحي

احمد ونور وريم نزلوا ومستنين المشرف الساعه جت 7.50 ولسه مجاش المشرف

راحفين يا ترى

أمممممممممممممممممممم

هانعرف كمان شوية

احمد ونور وريم والجماعه مستنين المشرف اتاخر اوي الساعه جت 8 ولسه مجاش فاحمد ونور و ريم راحوا يدورواعليه لقوا فين لقوا نايم علي الانتريه جو في الريسبشن

احمد : هيثم(دا اسم المشرف المفروض تكونوا عرفتوا) هيثم انت يا مان قوم اصحي يااااااااااهيثم

نور : دا باين عليه تعبان اوي

احمد : يااااااااااه دا سخن مووت نعمل ايه

ريم : تعالوا نشيلوا نوديه الاتوبيس ونطلع نلم شنطته عشان نمشي

احمد :فكره بردك ساعات ريم بتفهم والله

ريم : امشي يااحمد ....حسابك معايا بعدين

نور : يلا بقي انتوا الاتنين شيلوا

احمدونور وريم شالوا هيثم والناس كلها واقفه تضحك من الموقف وودوه الاتوبيس
فواحد من الرحلة علق على المنظر

الشخص الغريب : انتوا موتوه ولاايه

احمد : هههههههه لا ظريف يا طويل انت دا بدل ما تشيل معايا ....تعالي شيل ياض

الغريب : طب بالراحه عليا شويه انا غلبان

احمد : حاضر يا عم الغلبان انجز ايوه حطه هنا علي اخر كرسي وسيبه وانا هطلع اجبله شنطته

احمد فى الفندق بيكلم الرجل اللى فى الريسبشن

احمد : من فضلك كنت عايز مفتاح أودة المشرف بتاع الرحله بتاعتنا

ريسبشن : ليه يا فندم

احمد : عشان هو تعبان اوي وجاعد في الأتوبيس وانا هطلع اجيب الشنطه بتاعته وانزل علي طول عشان مسافرين

ريسبشن : ماينفعش يافندم لازم هو يجي ياخده بنفسه

احمد : يا نجم بجولك تعبان في الاتوبيس ومغمى عليه يا عم انجز بقي عشان انا بتخنق بسرعه

ريسبشن : من ايه يا فندم

احمد: من واحد رخم انجز يا عم بجي وعدي يومك علي خير هات المفتاح اطلع اجيب الشنطه واجي

ريسبشن : خد اهه وبسرعه انجز يلا

احمد ونور طلعه يلموا حاجته وهما بيلمواحاجته اعدين هيموتوا نفسهم من الضحك

احمد : بصي يا نور الشورت ده ؟؟؟ بيعمل ب يايه ده كله هو بيلبسه هو وواحد صاحبه ولا ايه

نور : ههههههههههههههه ههههه بص انت الجزمه دي مقاس 52

احمد : يالهوي 52 ليه مع انه صغير بس مش باين عليه

نور : يلا نلم حاجته بسرعه عشان انا هموت وارجع لاهلي وحشوني اووي

احمد : وانا كمان نفسي ارجع اكل من الفطير المشلتت والعسل اه اكل أمى وحشني اوي

نور : انا خلصت يلا بينا

احمد : يلا بينا

احمد ونور لموا الشنط ونزلواوركبوا الاتوبيس ومع الف سلامه
والرحله خلصت والاجازه خلصت

اجازة حلوة صح

اشوفكم المرة اللى جاية فى القاهرة

مع السلامة

ههههههه عسولة الحلقة دى وكمان احمد ده واد جن بيعرف يثبت اللى قدامه