لعبة هتعرفك طبيعة شخصيتك

عايزك تركز معايا هسألك شوية اسئلة خد وقتك وفكر فيها وجاوب وهتفهم فى الاخر بس المهم تمشى معايا واحدة بواحدة
هات ورقة وقلم عشان تكتب فيها الاجابات ويبقى احسن لو لعبت اللعبة دى مع مجموعة عشان تقارن الاجابات مع بعضها
استعد.......

المرحلة الاولي
تخيل انك فى غابة اوصف الغابة دى وقول انت حاسس بايه قلقان ولا مطمن ولا فرحان ولا زعلان.... وهكذا
وانت ماشى فى الغابة لقيت فنجان اوصف شكل الفنجان ده وهاتخده معاك وانت ماشى ولا لا
ولو طلع عليك اسد هتتعامل معاه ازاى هتواجه ولا هتهرب منه
ولو كملت رحلتك ولقيت بحيرة اوصفها وبعد كده قرر هتنزلها ولا هتقعد جنبها ولا هتتجاهلها تماما

المرحلة الثانية
تخيل انك فى صحراء وزى ما وصفت الغابة واحساسك فيها اوصف الصحراء واحساسك فيها برضه
وانت ماشى فى الصحراء لقيت صندوق اوصفه ولو فتحته هتلاقى فيه ايه
ولو لقيت سلم اوصف السلم ده طويل ولا قصير ولو وقفت عليه هيشيلك ولا لا وهاتخده معاك وانت ماشى ولا لا
وبعد كده لقيت حصان اوصف الحصان ده كويس بالتفصيل الممل وبعدين فكر الحصان ده هيرتحلك ولا لا وانت هتتعامل معاه ازاى وهتخده معاك ولا لا
ولو كملت رحلتك ولقيت سور طويل عريض ملوش اخر هتعمل ايه يا ترى هتقعد تحته وتستنى الفرج ولا هتمشى لغاية ما تلاقيله نهاية ولا هتحاول تفتح فتحة فيه وتعدى ولا هتسيبه وتشوف طريق تانى

كده انا خلصت الاسئلة بص فى الاجابات بتاعتك وانت بتعرف دلالة كل حاجة من الحاجات اللى فاتت

الغابة والصحراء هما حياتك اللى انت عايشها يا ترى وصفتهم ازاى
الفنجان هو الناس اللى بتقابلهم فى حياتك يا ترى وصفتهم ازاى
الاسد هو المشكلات اللى بتواجها يا ترى اتعاملت معاها ازاى
البحيرة هى حياتك العاطفية يا ترى وصفتها ازاى وقلت هتنزلها ولا لا
الصندوق هو انت من جوه يا ترى وصفته ازاى وقلت جواه ايه
السلم هو اصحابك يا ترى قلت فيهم ايه
الحصان هو شريك حياتك يا ترى قلت هتتعامل معاه ازاى
السور هو المستقبل والطريقة اللى اتعاملت بيها مع السور هى نفس الطريقة اللى هتتعامل بيها مع مستقبلك

ياريت تكون عجبتكم

جميلة اوى اللعبة شكرا